جيل توه

جيل توه بالع للعنكوش ؟ جيل توه مريقل ؟ جيل توه يحكيو عليه، يسبو فيه، يحكمو عليه : قالو سراول طايحة بالع للعنكوش قالو جيل ياغرط، ضايع، حتى من جيل توه يسب في جيل توه أيا باهي أما وينو جيل توه ؟

برشا يقولو عليه ضايع جيل محلول وجيل ما ينجمش يتحمل المسؤولية جيل يطلفح من قهوة لقهوة . جيل لا نجم يقرى ولا باش ينجم يخدم ، جيل الجال ، جيل السهريات والبواتات، ورغم هذا الكل كي يحكيو على الثورة يقولوا جيل إلي عمل الثورة جيل إلي طيح الديكتاتور جيل إلي عمل إلي معملتوش الشياب !!!