شيرين : "أهل تونس لاموا عليا.. بس أنا غنّيت أكثر من اللّي مضيت عليه في العقد" (فيديو)
علقت الفنانة شيرين عبد الوهاب على مشاركتها في مهرجان قرطاج الدولي بالرغم من مرورها بظروف صحية ونفسية سيئة، وذلك خلال لقائها ببرنامج صاحبة السعادة مع إسعاد يونس.
وقالت شيرين عبد الوهاب عن مشاركتها في مهرجان قرطاج: "صحيًا مكنتش قادرة اغني مش نفسيًا بس، وأول مرة اشوف نفسي عرقانة كده على المسرح، كلمني سيادة السفير المصري في تونس وقالي عايزينك قولتله ماشي معرفش ازاي، مكنتش اقدر اقف ساعتين اغني، واول مرة يبقى في 4 كراسي على المسرح عشان لو تعبت اقعد، وكنا بنعيط أنا ومدير أعمالي بعد البروفا عشان مكنش في صوت بيطلع".
وتابعت شيرين عبد الوهاب قولها: "لما طلعت على المسرح غمضت عيني وخوفت ولما لاقيت طاقة إيجابية اتبخت في وشي اتطمنت، في ناس من أهل تونس لاموا عليا إني مشيت بدري، ومكنتش مصدقة إن اللي اتعاقدت عليه في العقد نفذته، أصل أنا مضيت على ساعة ونصف بس أنا غنيت ساعتين إلاّ ربع.. مقدرتش أصدّق"، حسب قولها.
