علي معلول يوجه رسالة لجماهير المنتخب

نشر مدافع المنتخب الوطني التونسي علي معلول رسالة لجماهير المنتخب التونسي بعد الخروج من الدور الأول لنهائيات كأس العالم 2018 و خاصة إثر حملة الإنتقادات التي إستهدفته بعد مردوده في مواجهتي إنقلترا و بلجيكا.

و كتب معلول على حسابه الخاص على موقع إنستاغرام ما يلي : " خممت برشا قبل ما نهبط الكلام هذا اما بعد الحملة الكبيرة يلي صارت عليا قلت توضيح صغير باش نفهم برشا ناس.صحيح خروجنا من كاس العالم كان صعيب علينا الناس الكل و صحيح أنا ما كنتش في أحسن مستوايا و غلطت أغلاط نتحمّل مسؤولياتي فيهم و نلوم كان روحي عليهم اما فما برشا ناس استغلت الحاجة هاذي و حبت تركب على الأحداث و هما ما عندهم حتى فكرة على كرة القدم و حبت تعمل ال buzz على حسابي حبيت انفكرهم خاطر الذاكرة متاعهم صغيرة و قصيرة برشا يلي أنا قدمت مقابلات كبيرة مع المنتخب من اول ما لعبت.اما الناس يلي تسب فيا و في عائلتي و حاجات غريبة اكثر من هذا الكل حبيت نفكرهم راهو الملاعبي لازمو النقد اما مش سبان عائلات و نحب زادة نشكر الناس يلي وقفت معايا و يلي بالحق تعرف قيمة علي معلول.اخر القول علي معلول أحسن ظهير ايسر في افريقيا و هذا مش كلامي أنا الأرقام الكل تقول هذا و ان شاء الله نقعد ديما هكا. تحيا تونس ".